Трамп зноў ідзе на медагляд
3- 26.05.2026, 14:55
- 1,688
У Белым доме адзначаюць «выдатную фізічную форму» прэзідэнта.
Прэзідэнт ЗША Дональд Трамп ва аўторак пройдзе штогадовы медыцынскі агляд у вайсковым шпіталі Уолтэра Рыда. Праверка здароўя 79-гадовага лідэра праходзіць на фоне росту спрэчак аб яго фізічным і псіхічным стане напярэдадні прамежкавых выбараў, піша Associated Press (пераклад — сайт Charter97.org).
Белы дом паведаміў, што гаворка ідзе пра планавыя прафілактычныя абследаванні, аднак якія менавіта працэдуры пройдзе Трамп — не раскрываецца. Паводле амерыканскіх законаў прэзідэнт не абавязаны публікаваць поўную медыцынскую інфармацыю, а ўсе даныя праходзяць узгадненне з самім кіраўніком дзяржавы.
Трамп, якому ў наступным месяцы споўніцца 80 гадоў, стаў самым пажылым прэзідэнтам, абраным у ЗША. Паводле красавіцкага апытання Washington Post/ABC News/Ipsos, менш за палову амерыканцаў упэўненыя, што ён мае дастатковую фізічную форму і яснасць розуму для эфектыўнага кіравання краінай.
Былы лекар Белага дома Джэфры Кульман заявіў, што для палітыка такога ўзросту неабходныя паглыбленыя праверкі сэрца, онкаскрынінг і кагнітыўныя тэсты. Сам Трамп рэгулярна падкрэслівае, што адчувае сябе «настолькі ж добра, як 50 гадоў таму», і нагадвае пра свае ідэальныя вынікі тэстаў на памяць і ўвагу.
Пры гэтым крытыкі звяртаюць увагу на блытаныя выступы Трампа і яго рэзкія заявы. Нядаўна група з больш як 30 лекараў і псіхіятраў публічна выказала занепакоенасць магчымым пагаршэннем яго стану, хоць асабіста прэзідэнта яны не абследавалі.
Белы дом адхіляе ўсе абвінавачанні. Прадстаўнікі адміністрацыі заяўляюць, што Трамп застаецца «найбольш энергічным і працаздольным прэзідэнтам у гісторыі ЗША».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
