Новым кіраўніком Нацразведкі ЗША стане ветаран з ЦРУ

Тулсі Габард пакіне пасаду 30 чэрвеня.

Першы намеснік дырэктара Нацыянальнай разведкі ЗША Аарон Лукас стане часовым выканаўцам абавязкаў кіраўніка ведамства, паведаміў прэзідэнт Дональд Трамп у сацсетцы Truth Social.

Трамп адзначыў, што цяперашняя кіраўніца Нацразведкі Тулсі Габард пакіне пасаду 30 чэрвеня. У яе мужа дыягнаставалі рэдкую форму раку костак, і яна вырашыла падаць у адстаўку, патлумачыў прэзідэнт.

Раней сёння Дональд Трамп прыняў Тулсі Габард у Авальным кабінеце. Падчас сустрэчы яна падала заяву аб адстаўцы. Паводле звестак крыніцы агенцтва Reuters, знаёмай з сітуацыяй, адміністрацыя прэзідэнта прымусіла Габард сысці ў адстаўку.

Тулсі Габард узначаліла Нацразведку ў лютым 2025 года. Аарон Лукас стаў першым намеснікам кіраўніка Нацразведкі ў ліпені таго ж года. Яму — 55 гадоў. Больш за 20 гадоў ён працаваў у ЦРУ: пачынаў як аналітык, потым стаў афіцэрам таемных аперацый, даслужыўся да начальніка станцыі за мяжой (кіраваў аперацыямі ў краіне знаходжання).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]