Вашынгтонскаму стрэльцу прад'яўлена абвінавачанне ў замаху на забойства Трампа

Падазраваны не прызнаў віны.

Мужчыне, які ўчыніў страляніну на вячэры Асацыяцыі карэспандэнтаў Белага дома, на якой прысутнічаў прэзідэнт ЗША Дональд Трамп, прад'явілі абвінавачанне ў замаху на забойства кіраўніка Белага дома. Як паведамляе AP, падазраванаму зачытаўлі абвінавачанне ў федэральным судзе ў Вашынгтоне 27 красавіка.

Мужчыне таксама прад'явілі абвінавачанне ў перавозцы агнястрэльнай зброі і боепрыпасаў і ў выкарыстанні агнястрэльнай зброі падчас гвалтоўнага злачынства.

Агенцтва адзначае, што падазраваны не прызнаў віны.

25 красавіка на мерапрыемстве Асацыяцыі карэспандэнтаў пры Белым доме ў гатэлі Washington Hilton адбылася страляніна. Там знаходзіліся Трамп, першая лэдзі ЗША Меланія Трамп, віцэ-прэзідэнт Джэй Дзі Вэнс, дзяржаўны сакратар Марка Рубіо і іншыя высокапастаўленыя прадстаўнікі адміністрацыі. Нападнік быў затрыманы, адзін агент Сакрэтнай службы ЗША атрымаў раненне.

New York Post пісала, што падазраванага ідэнтыфікавалі як 31-гадовага настаўніка з Каліфорніі — Коўла Алэна. Паліцыя лічыць, што ён дзейнічаў адзін.

Як паведаміла прэс-сакратарка Белага дома Кэралайн Лівіт, нападнік, верагодна, спрабаваў забіць Трампа і забіць як мага больш высокапастаўленых чыноўнікаў яго адміністрацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]