«Лукашэнку загналі ў кут, як пацука»

Дыктатар вельмі баіцца.

Дыктатар Аляксандр Лукашэнка працягвае накаляць сітуацыю на мяжы з Украінай, аднак за ваяўнічай рыторыкай хаваюцца панічны страх перад Крамлём і спробы вытаргаваць зняцце санкцый. Пра гэта ў інтэрв'ю «Главреду» расказаў былы намеснік кіраўніка СБУ, генерал-маёр запасу СБУ Віктар Ягун.

Паводле яго слоў, не варта чакаць змяншэння актыўнасці Лукашэнкі. Падобная рыторыка, у прыватнасці заявы пра нібыта пагрозы з розных напрамкаў, найперш скіравана на ўнутраную аўдыторыю і на падтрымку іміджу перад РФ.

«Яго і так загналі ў кут, як пацука, і ён вымушаны трымаць марку — уся сітуацыя вакол прымушае яго гэта рабіць. А распавядаць пра тое, што на яго нібыта будуць наступаць з чатырох бакоў — найперш для ўнутранай аўдыторыі. Бо ўсе памятаюць, як ён казаў пра «Кіеў за тры дні» — гэта нікуды не знікла. І гэтая рыторыка патрэбная не толькі для таго, каб яму верылі ўласныя грамадзяне, але і для таго, каб падтрымліваць імідж перад расіянамі: што ён усё кантралюе, што ўсё гатова», — патлумачыў эксперт.

У той жа час, на думку Ягуна, Лукашэнка спрабуе сядзець адначасова на некалькіх стульях. З аднаго боку, ён вядзе перамовы з ЗША аб магчымым паслабленні санкцый, у прыватнасці ў дачыненні да калійнай галіны, а з другога — дэманструе гатоўнасць да супрацоўніцтва з Масквой.

«Ён (Аляксандр Лукашэнка — рэд.) вельмі баіцца, што ў нейкі момант яго могуць зняць — перш за ўсё Расія. Бо расіянам патрэбныя не проста словы, а канкрэтныя дзеянні. А тое, што беларуская армія на дадзеным этапе не здольная ваяваць з Украінай, усе разумеюць», — дадаў Ягун.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]