Пуцін прапанаваў Кітаю 30-працэнтныя зніжкі на газ да канца дзесяцігоддзя

Пекін застаўся апошнім буйным кліентам «Газпрома» пасля страты еўрапейскага рынку.

Крэмль мае намер працягваць практыку двухзначных зніжак на газ для Кітая, які застаўся апошнім буйным кліентам «Газпрома» ў далёкім замежжы пасля страты еўрапейскага рынку.

У бягучым годзе газ, які КНР закупае па трубаправодзе «Сіла Сібіры», будзе каштаваць на 39% танней, чым пастаўкі еўрапейскім краінам і Турцыі, паведамляе Bloomberg са спасылкай на крыніцы, знаёмыя з непублічнымі дакументамі ўрада.

За кожны кубаметр газу з РФ Кітай заплаціць $258 супраць $420 па кантрактах з Венгрыяй і турэцкімі кліентамі «Газпрома». У 2027 годзе цана для КНР знізіцца да $223,9 за тысячу кубаметраў, а зніжка складзе $113, або каля 33%.

Зніжкі, блізкія да траціны цаны, захаваюцца да канца 2020-х гадоў, вынікае з матэрыялаў урада. У 2028 годзе Кітай будзе набываць газ па $229,7 за тысячу кубаметраў — на 30% танней, чым іншыя кліенты «Газпрома» ў далёкім замежжы ($327,4), а ў 2029 годзе — па $235,6, што на 27% ніжэй за цану для Еўропы і Турцыі.

Мінулым годам Кітай набыў у «Газпрома» 38 млрд кубаметраў газу — амаль палову экспарту кампаніі, які трымаецца паблізу мінімумаў з канца 1980-х гадоў (каля 78 млрд кубоў, паводле ацэнак БКС). Экспарт на еўрапейскі рынак абваліўся да 18 млрд кубаметраў і стаў найніжэйшым з 1973 года, калі запрацавалі першыя газавыя кантракты СССР з Аўстрыяй і Італіяй.

Да 2029 года Расія разлічвае нарасціць пастаўкі на кітайскі рынак да 52,5 млрд кубаметраў — то бок на трэць адносна бягучых узроўняў, сказалі крыніцы Bloomberg. Крэмль спадзяецца на новыя здзелкі паміж «Газпромам» і кітайскай CNPC, павелічэнне магутнасці дзеючай трубы «Сіла Сібіры», а таксама новы Далёкаўсходні маршрут.

Трубаправод «Сіла Сібіры-2», пра які ў верасні мінулага года заяўлялі Уладзімір Пуцін і кіраўнік «Газпрома» Аляксей Міллер, да канца дзесяцігоддзя не запрацуе, вынікае з прагнозаў урада. Магутнасць трубы павінна складаць 50 млрд кубаметраў, што дазволіла б больш чым удвая павялічыць пастаўкі ў Кітай.

Пра тое, што з Пекінам дасягнутыя дамоўленасці па другой ветцы «Сілы Сібіры», Пуцін заявіў падчас візіту ў Кітай у верасні. «Нарэшце, бакі, што вялі перамовы, знайшлі кансенсус», — хваліўся Пуцін, дадаючы, што ў перспектыве экспарт газу на кітайскі рынак дасягне 100 млрд кубаметраў. Заявы «Газпрома» і расійскага прэзідэнта, праўда, не пацвердзілі ні Сі Цзіньпін, ні кітайскія СМІ, ні CNPC — пакупнік газу «Газпрома».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]