Град у Беларусі выпадае часцей, чым у Германіі і Вялікабрытаніі

Дамінуючы ўплыў аказвае арографічны фактар.

У маі адна з найбольш прыкметных зон выпадзення граду ў Еўропе знаходзіцца ў Беларусі і ва Украіне. Пра гэта гаворыцца ў даследаванні іспанскіх вучоных, апублікаваным у часопісе Atmospheric Research, заўважыў тэлеграм-канал «De facto. Беларуская навука».

Даследчыкі падзяліліся аналізам частаты выпадзення граду ў Еўропе за 2014−2024 гады на падставе дадзеных радараў ападкаў і алгарытмаў. Высветлілася, што асноўным эпіцэнтрам граду з’яўляюцца Альпы. Значныя зоны таксама назіраюцца над Балканамі і Апенінамі. Такім чынам, дамінуючы ўплыў аказваюць арографічны фактар (навука, якая апісвае рэльеф) і заканамернасці атмасфернай цыркуляцыі.

Аналіз таксама выявіў выразную сезонную дынаміку. Актыўнасць граду пачынаецца ў красавіку з разрозненых ачагоў, потым у маі зрушваецца ў бок паўднёва-ўсходняй Еўропы, а ў верасні — у раён Міжземнамор’я. У маі адна з найбольш прыкметных зон выпадзення граду знаходзіцца ў Беларусі і ва Украіне. У гэты час зоны нізкай і ўмеранай частаты фіксуюцца на картах Пірэнейскага паўвострава, усходняй Францыі, паўднёвай часткі Вялікабрытаніі і Германіі.

Увогуле Усходняя Еўропа вылучаецца як адзін з рэгіёнаў з высокай частатой выпадзення граду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]