Італія выклікала пасла РФ пасля скандальнай заявы Салаўёва

Расійскі прапагандыст дазволіў сабе вельмі брудную лаянку ў адрас прэм'ер-міністра Мелоні.

Міністэрства замежных спраў Італіі выклікала «на кілім» пасла РФ у краіне пасля таго, як галоўны расійскі прапагандыст Уладзімір Салаўёў абрынуўся з абразамі на прэм'ер-міністра Італіі Джорджу Мелоні.

Пра гэта паведамляе РБК-Украіна са спасылкай на заяву міністра замежных спраў Італіі Антоніа Таяні.

«Я даручыў МЗС выклікаць расійскага пасла Парамонава, каб выказаць афіцыйныя пратэсты пасля надзвычай сур'ёзных і абразлівых заяў расійскага тэлевядучага Уладзіміра Салаўёва на расійскім тэлебачанні ў адносінах да прэм'ер-міністра Джорджы Мелоні», - напісаў Таяні.

Расійскі прапагандыст Салаўёў (якога італьянскія ўлады ў свой час пакінулі без нерухомасці, арыштаваўшы абедзве яго вілы на возеры Кома), у нядаўнім эфіры сваёй прапагандысцкай праграмы «Поўны кантакт» аблаяў Мелоні па-італьянску. У адрас прэм'ер-міністра з вуснаў расіяніна прагучала нямала бруднай лаянкі.

Істэрыка Салаўёва тлумачыцца не толькі асабістымі крыўдамі на ўрад Італіі. Нядаўна стала вядома пра шэраг новых дамоўленасцяў з Італіяй аб вайсковай падтрымцы Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]