У Атлантычным акіяне завяршыў свой шлях адзін з найбуйнейшых айсбергаў свету
- 21.04.2026, 19:25
- 4,794
Ён адколаўся ад шэльфа ў Антарктыдзе яшчэ ў 1986 годзе.
У канцы сакавіка 2026 года вучоныя з Аўстраліі і ЗША зафіксавалі ў Паўднёвай Атлантыцы распад айсберга A-23A. Ён адколаўся ад шэльфа ў Антарктыдзе яшчэ ў 1986 годзе.
Аб гэтым афіцыйны сайт NASA паведаміў ужо ў гэтым месяцы.
Спадарожнікі адсочылі фінальныя этапы існавання ледавай глыбы на поўнач ад Паўднёвай Георгіі і Паўднёвых Сэндвічавых астравоў. Даследчыкі Ян Лізер з Аўстралійскага бюро метэаралогіі і Крыстафер Шуман з Універсітэта Мэрыленда падлічылі, што з 2020 года плошча аб’екта скарацілася з 6000 да 170 квадратных кіламетраў.
Маштабнаму таянню спрыялі глыбокія басейны з вадой на паверхні, што ў выніку прывяло да яго поўнага калапсу 31 сакавіка.
Апошнія назіранні за айсбергам былі часткова ўскладненыя пагоднымі ўмовамі. «У апошнія тыдні я заўважыў, як маці-прырода, нібыта, трымала заслону (з воблакаў) над паміраючым айсбергам, быццам спрабуючы даць яму трохі прыватнасці на гэтым этапе», — сказаў Ян Лізер.
Доўгае жыццё A-23A супала з перыядам значнага развіцця касмічных тэхналогій назірання за Зямлёй. З моманту адколу і да канчатковага знікнення за айсбергам сачылі спадарожнікі серыяў Landsat, Terra, Aqua, а пазней і найноўшы апарат PACE. Гэтыя інструменты дазволілі не толькі фіксаваць змены формы айсберга, але і аналізаваць яго ўплыў на марскія экасістэмы пры перамяшчэнні ў зоны актыўнага суднаходства.
Нягледзячы на масіў сабраных дадзеных, рух гіганцкіх айсбергаў пакідае шмат пытанняў для навукі, у прыватнасці адносна прычын іх застраўвання ў акіянічных водаваротах.
«Мы, безумоўна, нямала ведаем пра агульныя заканамернасці дрэйфу айсбергаў і агульнае асяроддзе. Але калі справа даходзіць да асобных частак — вялікіх і малых — і іх траекторый, яшчэ застаецца нямала таго, што трэба вывучыць», — падсумаваў Лізер.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
