У РФ «ветэран СВА», які застаўся без ног, узначальваў групоўку пахітальнікаў

Яго арыштавалі.

Другі Заходні акружны ваенны суд пакінуў пад вартай двух удзельнікаў баявых дзеянняў ва Украіне, якіх абвінавачваюць у выкраданні людзей і вымагальніцтве. Групоўку, у якую ўваходзілі яшчэ некалькі чалавек, узначальваў супрацоўнік ваеннага камісарыята Данііл Астахаў, які, паводле следчых, у выніку ранення застаўся без абедзвюх ног. Гэта вынікае з матэрыялаў справы, з якімі пазнаёміўся «Коммерсантъ».

Паводле версіі следства, пахітальнікі дзейнічалі летась у Расошы, якая знаходзіцца за 60 км ад мяжы з «ЛНР». Абвінавачаныя, ужыўшы гвалт, спачатку выкралі 17-гадовага падлетка, а пасля жанчыну. Малады чалавек дзеля вызвалення аддаў ім нейкую маёмасць, а мясцовая жыхарка — 100 тыс. расійскіх рублёў. Пасля гэтага пацярпелых адпусцілі. Паводле папярэдняй версіі, абвінавачаныя маглі дзейнічаць у інтарэсах злачыннай арганізацыі з іншага рэгіёна.

Усяго па гэтай справе затрымалі сем чалавек. Данііл Астахаў і другі фігурант Віталь Барысаў прызналі віну. Адвакаты вайскоўцаў прасілі змякчыць ім меры стрымання і вызваліць з-пад варты. Суд адхіліў даводы абодвух адвакатаў. У выпадку Данііла Астахава суддзя ўлічыў паказанні іншых абвінавачаных, якія назвалі яго нефармальным лідарам банды, а таксама наяўнасць у спадара Астахава судзімасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]