Украінскі пранкер трапіў на закрытую нараду акупантаў

Ён зафіксаваў твары высокапастаўленых акупантаў.

Украінскі блогер і пранкер Яўген Вольнаў, вядомы пад псеўданімам «Маёр Чарнабаяў», заявіў, што змог падключыцца да закрытай нарады Міністэрства прамысловасці і гандлю РФ. Пра гэта ён паведаміў 17 красавіка ў сваім Telegram-канале.

Паводле слоў Вольнава, на сустрэчы абмяркоўвалі лакалізацыю вытворчасці беспілотнікаў у Расіі. Пры гэтым, як сцвярджае блогер, змест размоў сведчыць пра сур'ёзныя праблемы з праграмай «імпартазамяшчэння».

На нібыта закрытай нарадзе чыноўнікі прызналі, што без кітайскіх кампанентаў — рухавікоў, электронікі і нават пластыку — «нічога не ляціць». У прыватнасці, згадваліся кампаніі «Альбатрос», Geoscan і «Уфімец», ад якіх патрабуюць высокага ўзроўню лакалізацыі вытворчасці.

Вольнаў таксама назваў прозвішчы ўдзельнікаў — Сярдзюк, Плотнікаў і Абдулаў — і заявіў, што іх даныя, а таксама інфармацыя з Дзяржаўнай інфармацыйнай сістэмы прамысловасці РФ (ГІСП), цяпер апынуліся ў распараджэнні ўкраінскага боку.

На апублікаваным запісе чутна, як пранкер падключаецца да відэанарады і звяртаецца да ўдзельнікаў са словамі, каб яны цяпер «азіраліся».

Выданне Astra сцвярджае, што змагло ідэнтыфікаваць удзельнікаў відэасувязі. Паводле іх даных, асноўным адрасатам звароту Вольнава быў начальнік упраўлення беспілотных сістэм і робататэхнікі Мінпрамторга РФ Аляксей Сярдзюк.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]