Два новыя факультатывы з'явяцца ў школах Беларусі

Адзін — пра самапазнанне, другі — пра кааперацыю.

У беларускіх школах з'явяцца два новыя факультатывы, паведаміла Міністэрства адукацыі.

Так, у новым навучальным годзе беларускія школьнікі змогуць наведваць новыя факультатывы: «Вучымся разумець сябе і іншых» і «Вучымся дапамагаць сабе і іншым».

Першы факультатыў пра самапазнанне разлічаны на вучняў трэціх — чацвёртых класаў і будзе праходзіць раз на тыдзень. На факультатыве «Вучымся разумець сябе і іншых» навучэнцы пачатковай школы змогуць фарміраваць і развіваць кампетэнцыі самапазнання і самаразвіцця, эмацыйнай рэгуляцыі і камунікацыі.

— На факультатыве мы вучым дзяцей вызначаць свае эмоцыі, супакойваць сябе, перажываць і спраўляцца з пачуццямі. Усе заняткі пабудаваныя на гульнях, практыкаваннях, разборах сітуацый, — распавяла метадыст цэнтра ацэнкі якасці адукацыі Акадэміі адукацыі Марыя Гарбунова.

На апошніх занятках факультатыву «Вучымся разумець сябе і іншых» дзеці пачатковай школы будуць ставіць невялікі спектакль. А падлеткі на факультатыве «Вучымся дапамагаць сабе і іншым», які разлічаны на пятыя — сёмыя класы, яшчэ будуць асвойваць навыкі кааперацыі і працы ў камандзе. Таксама на факультатыве для старэйшых класаў яшчэ будзе пазнавальны квэст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]