Паліўны бунт у Ірландыі: паліцыя прарвала блакаду адзінага ў краіне нафтаперапрацоўчага завода

Фермеры і дальнабойшчыкі правялі пратэст з-за цэнаў на паліва.

Ірландская паліцыя і армія правялі аперацыю па разблакаванні адзінага ў краіне нафтаперапрацоўчага завода. Сілавікі выкарысталі спецыяльныя сродкі і адцеснілі пратэстоўцаў, якія перакрылі шлях да завода з-за высокіх цэнаў на паліва.

Пра гэта паведамляе выданне POLITICO.

Сутычкі ўспыхнулі каля завода Уайтгейт у графстве Корк, дзе пратэстоўцы ўласным транспартам заблакіравалі ўезд і выезд для заводскай тэхнікі. Пасля гэтага паліцыя ўжыла перцавы спрей супраць актывістаў, а вайскоўцы пачалі вывозіць грузавікі і трактары, якія блакіравалі дарогу.

«Калі нафтаперапрацоўчы завод Уайтгейт не будзе зноў адкрыты, гэта краіна зачыніцца. Гэта пытанне нацыянальнай бяспекі», — заявіў намеснік міністра Ірландыі па еўрапейскіх справах і абароне Томас Бірн.

Нафтавы крызіс балюча б’е па фермерах і дальнабойшчыках. Арганізацыя «Fuels for Ireland» апублікавала трывожныя даныя: з 1500 АЗС краіны каля 600 станцый ужо цалкам вычарпалі запасы паліва.

Патрабаванне кіроўцаў простае — знізіць падаткі. Цяпер падатковая нагрузка складае больш за 60% ад кошту літра паліва.

Урад Ірландыі адмаўляецца ад прамых перамоваў з актывістамі. Чыноўнікі тлумачаць гэта тым, што пратэстоўцы дзейнічаюць стыхійна, без падтрымкі афіцыйных асацыяцый.

Нягледзячы на зачыстку каля Уайтгейта, актывісты не збіраюцца адступаць. Яны перашкаджаюць танкерам заходзіць у парты Голуэй і Фойнс. З-за гэтага нідэрландскае судна з 6 мільёнамі літраў паліва вымушана і далей прастойваць у заліве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]