ЗСУ паказалі кадры паражэння двух бурыльных установак РФ у Каспійскім моры
- 11.04.2026, 4:02
Відэа.
Сілы спецыяльных аперацый ЗСУ апублікавалі кадры знішчэння двух бурыльных платформаў расійскай кампаніі «Лукойл» на шэльфе Каспійскага мора ў ноч на 10 красавіка.
Кадры баявой працы ССО апублікавалі ў Telegram.
Паведамляецца, што беспілотнікі ССО паразілі ледастойкія платформы на радовішчы імя Грайфера (былае радовішча «Ракушачнае») і на радовішчы імя Карчагіна ў паўночнай акваторыі мора каля тысячы кіламетраў ад лініі фронту.
Гэтыя платформы вораг выкарыстоўвае ў ланцугу забеспячэння палівам уласнай арміі.
«Сілы спецыяльных аперацый наносяць дальнабойныя ўдары Deep-strike па аб'ектах праціўніка ў глыб тэрыторыі Расіі. Паражэнне нафтагазавай інфраструктуры праціўніка істотна абмяжоўвае яго магчымасці забяспечваць палівам войскі і напаўняць уласны бюджэт. ССО працягваюць асіметрычныя дзеянні дзеля стратэгічнага аслаблення ворага ў вядзенні вайны супраць Украіны», — гаворыцца ў паведамленні.
Нагадаем, што напярэдадні Генштаб ЗСУ паведамляў, што ўкраінскія падраздзяленні паразілі дзве бурыльныя платформы на радовішчах імя Грайфера і Карчагіна ў Каспійскім моры. Яны забяспечвалі расійскую армію палівам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
