Рукапісную кнігу з беларускага прыходу прадалі на аўкцыёне за 1,5 тысячы еўра

Верагодна, кнігу выкупіў адзін з беларускіх мецэнатаў.

На польскім аўкцыёне за 1500 еўра прадалі старадаўнюю кнігу з беларускага прыходу. Стартавая цана лота складала 704 еўра. Таргі скончыліся на суме 1562 еўра, паведамляе «Еўрарадыё».

Рукапісная кніга XIX стагоддзя з прыходу ў Вялікіх Эйсмантах Гродзенскай вобласці пры невядомых абставінах знікла з мясцовага касцёла. Падобныя дакументы звычайна захоўваюцца ў царкоўных або дзяржаўных архівах, бо маюць значную навуковую каштоўнасць.

«Усё будзе добра, чакайце інфармацыю ў панядзелак раніцай!» — кажа апякун ініцыятывы MALDZIS Грыгорый Остапеня.

Верагодна, кнігу выкупіў адзін з беларускіх мецэнатаў. Ініцыятыва MALDZIS каардынуе беларускіх мецэнатаў для захавання каштоўных артэфактаў, звязаных з Беларуссю. Раней ініцыятыва выкупіла літаграфіі Напалеона Орды (яны цяпер выстаўлены ў Музеі Свабоднай Беларусі ў Варшаве), першую беларускамоўную карту Беларусі, франкамоўнае выданне першай часткі «Вялікага мастацтва артылерыі» Казімера Семяновіча, першае выданне «Жэзла ўлады» Сімяона Полацкага і іншыя прадметы.

Пасля дэмакратычных перамен у Беларусі набыткі плануюць перадаць у беларускія музеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]