Капітанку жаночай зборнай Беларусі па рэгбі асудзілі за «палітыку»

Спартсменцы вынеслі прысуд напярэдадні свята 8 сакавіка.

35-гадовую рэгбістку Марыю Шакуро асудзілі на «хатнюю хімію» паводле палітычнага артыкула. Разгляд яе справы вядзе Мінскі гарадскі суд, паведамляе «Еўрарадыё».

Марыю Шакуро судзілі за «садзейнічанне экстрэмісцкай дзейнасці» (ч. 1 арт. 361-4 Крымінальнага кодэкса). Апошнім часам гэты артыкул ужываюць да людзей, затрыманых па «справе Гаюна». Аднак дакладна невядома, у чым менавіта абвінавачвалі спартсменку.

Марыя Шакуро — вядомая рэгбістка, яна была капітанкай зборнай Беларусі. У 2017 годзе стала бронзавой прызёркай чэмпіянату Еўропы па пляжным рэгбі.

Адначасова яна працавала на мэблевай вытворчасці.

У 2020-м спартсменку арыштавалі на 10 сутак, але потым яе не чапалі. Калі на Марыю завялі крымінальную справу і ці сядзела яна ў СІЗА — невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]