Украінскія беспілотнікі атакавалі расійскі фрэгат «Адмірал Эсэн»
8- 4.03.2026, 19:58
- 20,404
Дасталі і ў Наварасійску.
У выніку атакі беспілотнікаў на порт у Наварасійску быў пашкоджаны расійскі фрэгат «Адмірал Эсэн». Гэта ўжо не першая атака на гэты карабель.
Пра гэта паведамляе «КіберБорошно» у Telegram.
OSINT-аналітыкі сцвярджаюць, што ў выніку атакі была пашкоджаная сярэдняя надбудова фрэгата.
Паводле іх слоў, у выніку трапляння ў надбудову фрэгата здэтанавалі гранатамёты ПК-10, прызначаныя для пастаноўкі пасіўных перашкод.
Акрамя механічных пашкоджанняў карабель атрымаў пашкоджанні электронных сістэм:
комплекс РЭБ ТК-25, які адказвае за выяўленне выпрамянення і пастаноўку актыўных перашкод;
радары МР-90 «Арэх», што забяспечваюць навядзенне зенітных ракет на мэты;
аглядны радар «Фрэгат-М2М», які адказвае за далёкае выяўленне паветраных і надводных аб’ектаў.
Як пішуць OSINT-аналітыкі, акрамя фрэгата, пад удар трапіў ракетны катэр праекта 1241 «Маланка».
БПЛА паразілі кармавую частку судна, дзе размешчаныя галоўныя рухавікі, дызель-генератары і машыннае аддзяленне, якія забяспечваюць працу сілавой устаноўкі катэра.
Таксама ў кармавой частцы знаходзяцца дзве 30-мм артылерыйскія ўстаноўкі АК-630М, якія адказваюць за блізкую абарону катэра, і дызель-генератары, што забяспечваюць электразабеспячэнне карабельных сістэм.
Нагадаем, украінскія вайскоўцы ужо наносілі ўдар па расійскім фрэгату «Адмірал Эсэн», калі ён базаваўся ў Севастопалі. Для гэтага украінскія вайскоўцы ўпершыню выкарысталі новую ракету «Доўгі Няптун».
Як адзначаў у лютым спікер Ваенна-марскіх сіл ЗСУ Дзмітрый Плетэнчук, расіяне выкарыстоўваюць «Адмірал Эсэн» для ракетных удараў па Украіне, бо такі карабель можа несці «Калібры».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
