В'етнамец спусціўся ў метро Мінска і здзівіўся адной агульнай рысе ўсіх пасажыраў
26- 18.03.2026, 23:27
- 34,272
Мінчукі адказалі госцю.
В'етнамец, які жыве ў Мінску, Ле Ван Хуі, праехаўся ў сталічным метро і задумаўся, чаму «ўсе такія сумныя». Адказ на гэта замежнік паспрабаваў знайсці ў Threads. Мінчукі не прайшлі міма паста і падзяліліся з Ле Ванам сваімі меркаваннямі на гэты конт, піша «Зеркало».
Першы пост у профілі мінскага в'етнамца з'явіўся 11 сакавіка 2026 года. Ле Ван напісаў, што пераехаў жыць у нашу краіну.
«Ведаю, па-руску маё імя гучыць вельмі дрэнна. Прабачце. Пра гэта пастаянна кажуць», — напісаў Ле Ван.
Замежнік падзяліўся планамі змяніць сваё імя, бо, хоць на яго радзіме яно і «гучыць вельмі добра», але ў Беларусі ў яго нярэдка ўзнікаюць з гэтай прычыны складанасці ў камунікацыі.
17 сакавіка Ле Ван звярнуў увагу карыстальнікаў мінскага сегмента Threads на іншую тэму — змрочнасць беларусаў.
«Еду цяпер у метро і не разумею, чаму ўсе такія сумныя», — напісаў в'етнамец.
Пост за суткі сабраў больш за 17 тысяч праглядаў і звыш 120 каментарыяў. Карыстальнікі жвава адгукнуліся на няпісаны заклік знайсці лагічнае тлумачэнне феномену, які зацікавіў замежніка.
«Бо яны ўсе з Мінска, а не з В'етнама», — напісала fatal1ty_.
«Сардэчна запрашаем у Мінск. Гэта культурная асаблівасць, не звяртайце ўвагі», — падзялілася сваім меркаваннем boombiada.
«Смірыцеся. Гэта не В'етнам. Прывыкайце да змрочных твараў. Памятаю, сябры з Германіі ўпершыню прыязджалі ў Мінск. Кажуць, столькі прыгожых дзяўчат, толькі нешта не так. А потым праз пару дзён, кажуць, зразумелі, што не так — усе змрочныя», — распавёў пра ўражанні сваіх нямецкіх сяброў anarxist75.
«Проста тут зранку не ядуць pho Bo (страва в'етнамскай кухні — суп з лапшой — Прым. рэд.) і бутэлечкай «Сайгона»», — упэўнены vladyk_sushko.
«Бо ў метро не відаць сонейка. Выходзім на паверхню — і тады ўсміхаемся», — растлумачыў veter_by.
«Гэта менталітэт. Мы не сумныя, мы — сур'ёзныя», — лічыць diary.danny.
«Вітаю! Мяне завуць Надзея. Я з Беларусі, але цяпер у Данангу (прыбярэжны горад у цэнтральнай частцы В'етнама — Прым. рэд.). Гуляла па вуліцах, не разумею, чаму людзі сумныя», — напісала беларуска leanovich і прымацавала фота сумных в'етнамцаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
