Абаронны банк Пуціна паведаміў пра шматмільярдныя страты

З-за неплацяжоў па крэдытах.

Банк ПСБ, які з’яўляецца апорным банкам расійскага ваенна-прамысловага комплексу, завяршыў 2025 год са стратай. Як паведамляе The Moscow Times.

Да праблем банка, які ўваходзіць у топ-5 у Расіі па памеры актываў і трымае на рахунках больш за 1 трлн рублёў укладаў фізасоб, прывялі неплацяжы па крэдытах. За год ПСБ накіраваў амаль 300 млрд рублёў у рэзервы па магчымых крэдытных стратах — у тры разы больш, чым годам раней.

Хоць ПСБ атрымаў летась 29,6 млрд рублёў дапамогі ад дзяржавы, ён стаў першым сярод найбуйнейшых банкаў, хто атрымаў гадавую страту. Квартальны мінус у кастрычніку–снежні таксама паказаў звязаны з «Раснафтай» Маскоўскі крэдытны банк, дзе прасрочка па выдадзеных крэдытах падскочыла на 600%.

У цэлым у банкаўскай сістэме, паводле даных Цэнтрабанка РФ, аб’ём праблемных крэдытаў дасягнуў 10,4 трлн рублёў: за студзень–верасень даўгі, па якіх кампаніі і індывідуальныя прадпрымальнікі не змаглі разлічыцца ў тэрмін, выраслі на 1,9 трлн рублёў. Фактычна ў краіне пачаўся латэнтны банкаўскі крызіс, папярэдзілі ў лютым эксперты блізкага да Крамля аналітычнага цэнтра ЦМАКП.

Паводле крыніц Bloomberg, банкіры, у тым ліку і дзяржаўныя, непублічна пачалі біць трывогу яшчэ мінулым летам, калі прасрочка па пазыках пачала павялічвацца ў буйных кампаній. Хваля неплацяжоў закранула ў тым ліку абаронныя заводы, якія маглі атрымаць больш за 20 трлн рублёў крэдытаў на ваенную вытворчасць.

«Гэта велізарны басейн дрэнна рэгуляванага ценявога доўгу, які знаходзіцца ў самым цэнтры банкаўскай сістэмы», — адзначаў Крэйг Кэнэдзі, былы віцэ-прэзідэнт Bank of America, а цяпер эксперт Цэнтра вывучэння Расіі і Еўразіі ў Гарвардзе. Паводле Кэнэдзі, па сутнасці гаворка ідзе пра другі, тайны ваенны бюджэт, які быў выдаткаваны на вайну ў дадатак да 42 трлн рублёў (або $542 млрд), афіцыйна выдзеленых казной.

Чыноўнікі фінансава-эканамічнага блока ў канцы мінулага года папярэдзілі Уладзіміра Пуціна, што банкаўская сістэма знаходзіцца пад ціскам з-за высокіх працэнтных ставак і вялікага аб’ёму крэдытаў для фінансавання вайны, паведаміў The Washington Post крыніца, блізкая да ўрада. Паводле суразмоўцы WaPo, Пуціна папярэдзілі, што ўжо ў найбліжэйшыя месяцы ў краіне можа разгарэцца эканамічны крызіс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]