У Віцебску можна ўзяць у арэнду дом, дзе вучыўся Марк Шагал

Пачатковы кошт лота — 1845,28 рубля.

На вуліцы Калініна, 1, у Віцебску стаіць унікальны аб’ект — будынак былога хедара. Гэта адзін з нешматлікіх захаваных помнікаў, якія сведчаць пра шматвяковую прысутнасць яўрэйскай абшчыны ў горадзе. Ён каштоўны яшчэ і тым, што тут з ранніх гадоў вучыўся мастак Марк Шагал. Мясцовыя ўлады хочуць, каб у двухпавярхоўцы адкрылі нешта карыснае для людзей. Таму абвясцілі конкурс арандатароў, піша onliner.by.

Права арэнды будынка прадаецца на пляцоўцы «БУТБ-Имущество». Агульная плошча аб’екта — 591 кв. м. То-бок можна разгарнуцца і размясціць на паверхах што заўгодна. Арэнда абыдзецца ў 1791,18 рубля ў месяц. Але за гэтую магчымасць давядзецца пазмагацца на аўкцыёне. Пачатковы кошт лота — 1845,28 рубля.

— Мясцовыя ўлады хочуць, каб у будынку размясціліся гасцініца і аб’ект грамадскага харчавання, — адзначаюць у «БУТБ-Имущество».

Заявы на ўдзел у таргах прымаюцца да 6 красавіка, а сам аўкцыён адбудзецца 9 красавіка. Цікава, што ў далейшым арандатар можа выкупіць арэндаваную маёмасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]