Беларуская ўрач-дыетолаг расказала, ці існуе рэальная шкода ад позняй вячэры

Колькі гадзін павінна прайсці паміж вячэрай і сном?

Беларуская ўрач-дыетолаг, тэлевядучая Святлана Кашыцкая у эфіры тэлеканала «Беларусь 1» сказала, што яна ніколі не вячэрае раней за 22–23 гадзіны, таму што позна прыходзіць з працы.

«Міф «не есці пасля 18 гадзін» падыходзіць тым, хто лягае спаць у 21 гадзіну. Я лягаю спаць позна, у мяне не атрымліваецца раней, і таму я і вячэраю позна», — адзначыла дыетолаг.

Па яе словах, вячэра павінна адбыцца за 2–4 гадзіны да сну.

«Я вячэраю позна. Паглядзіце, як шыкоўна я выглядаю ўсё сваё жыццё», — заўважыла Кашыцкая.

Па яе словах, цяпер вельмі шмат страшылак. І пра познюю вячэру, і пра яйкі, і пра малако, і пра хлеб.

«Кажуць: «Выключыце хлеб». Навошта? Там вялікая колькасць вітамінаў», — адзначыла ўрач-дыетолаг.

Па яе словах, выключыць трэба белы хлеб, батон, тое, што зроблена на пшанічнай муцы вышэйшага гатунку. Замест яго выбіраць прадукты на цэльназернавай або жытняй муцы (гэта мука павінна быць першай у спісе на ўпакоўцы). Акрамя таго, хлеб з сухафруктамі і семкамі — вельмі каларыйны прадукт.

Гаворачы пра шкоду малака з пэўнага ўзросту, Святлана Кашыцкая заўважыла:

«Праўда ў тым, што з узростам у многіх людзей развіваецца адчувальнасць да малочнага бялку казеіну або да лактозы».

У гэтым выпадку лепш прыбраць малако са свайго рацыёну, але пакінуць кісламалочныя прадукты (кефір, простаквашу, несалодкі ёгурт). Так вы атрымаеце лёгка засваяльны кальцый, які неабходны пасля 50 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]