Статкевіч застаўся верны сабе

Учынак лідара беларускай апазіцыі паказаў сапраўднае аблічча рэжыму.

Учора прыйшла навіна, што лідар беларускай апазіцыі Мікалай Статкевіч выйшаў на волю. Гэта чалавек, які застаўся верны сабе нават тады, калі яму прапанавалі свабоду коштам выгнання. Ён быў адзіным, хто ў верасні 2025 года адмовіўся пакінуць Беларусь пасля паказальнай «гуманітарнай» здзелкі, у межах якой Аляксандр Лукашэнка абмяняў лёсы людзей, палітвязняў, на частковае змякчэнне санкцый і загадаў дэпартаваць іх з уласнай краіны. Статкевіч не прыняў гэтай лагікі таргу.

Ён разумеў, што адмова пакінуць краіну азначае вяртанне ў камеру, разумеў цану гэтага рашэння і ўсё роўна застаўся. Тое, што адбылося далей, толькі пацвердзіла сутнасць рэжыму Лукашэнкі: паўторны арышт, ізаляцыя, умовы, што падрываюць здароўе, і ў выніку інсульт, які стаў прамым вынікам шматгадовага ціску. Толькі пасля гэтага Статкевіча выпусцілі на волю, ён змог апынуцца сярод родных яму людзей.

Сёння яму неабходныя рэабілітацыя, медыцынская дапамога, аднаўленне. Улада, магчыма, разлічвае нават на ўдзячнасць за паблажлівасць. Але гэта крывадушнасць тырана. Няма і не можа быць удзячнасці да таго, хто адпраўляе сваіх апанентаў у турму, стварае ўмовы, калі чалавек апынаецца на мяжы смерці.

Учынак Мікалая Статкевіча яшчэ раз нагадвае ўсім, што нават у самай жорсткай сістэме застаецца месца для асабістага выбару і што гэты выбар здольны агаліць сапраўднае аблічча ўлады лепш за любыя дэкларацыі.

Леанід Невзлін, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]