Максім Вінярскі: Зноў ёсць на каго раўняцца

Дзякуй, Мікалай Віктаравіч, што вы зноў з намі.

Каардынатар грамадзянскай кампаніі «Еўрапейская Беларусь», экс-палітвязень Максім Вінярскі пракаментаваў выхад на волю лідара беларускай апазіцыі Мікалая Статкевіча:

— Вельмі добра, калі чалавек выходзіць на волю. У такі дзень заўсёды радасна і прыемна. Нібыта частка цябе самога зноў адчувае сябе вольнай. Любы такі дзень адразу набывае адценне ўрачыстасці, смак свята.

Але сённяшні дзень — асаблівы і адрозніваецца ад іншых падобных адчуваннем: нас стала больш. Не проста тых, хто на волі, а тых, хто ведае: за свабоду трэба змагацца.

Сёння да нас вярнуўся той, каму не трэба тлумачыць, хто сёння агрэсар і адкуль ідзе пагроза. Той, хто не страціў ні гонару, ні свабоды нават знаходзячыся ў турме. Хто не дазволіў выштурхнуць сябе за межы радзімы. Той, хто на ўласным досведзе ведае цану выбару паміж святлом і цемрай. Хто ведае, што нельга потакаць дыктатару-тэрарысту. Што нельга абдымацца са злачынцамі і ціскаць акрываўленыя рукі катам. Што няма нічога больш ганебнага, чым гандляваць будучыняй свайго народа.

Зноў ёсць на каго раўняцца. На каго глядзець без агаворак і скідак. Ад каго не чакаеш здрады, подласці і ліцемерства. Дзякуй, Мікалай Віктаравіч, што вы зноў з намі.

Жыве Беларусь!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]