Украінскія афіцыйныя асобы будуць байкатаваць Паралімпійскія гульні з-за Беларусі

Кіеў заявіў, што сцягам Расіі і Беларусі не месца на міжнародных спаборніцтвах.

Афіцыйныя асобы Украіны не будуць прысутнічаць на зімовай Паралімпіядзе-2026 у Італіі «ў адказ на абуральнае рашэнне арганізатараў Паралімпійскіх гульняў дазволіць расіянам і беларусам спаборнічаць пад іх нацыянальнымі сцягамі», — напісаў у сацсетцы Х міністр спорту Украіны Мацвей Бідны.

«Мы не будзем прысутнічаць на цырымоніі адкрыцця. Мы не возьмем удзел ні ў якіх іншых афіцыйных мерапрыемствах Паралімпійскіх гульняў. Мыдзякуем кожнаму чыноўніку свабоднага свету, які зробіць тое самае», — заявіў украінскі міністр.

Украінскія атлеты ў саміх Гульнях будуць браць удзел.

Бідны назваў «разчаравальным і абуральным» рашэнне арганізатараў Паралімпійскіх гульняў «дазволіць забойцам і іх саўдзельнікам спаборнічаць пад нацыянальнымі сцягамі».

«Прыкра, што кіраўніцтва міжнародных недзяржаўных арганізацый спрабуе ігнараваць відавочнае: Расія выкарыстоўвае ўразлівасці адкрытых грамадстваў і міжнародных структур для нармалізацыі сваіх злачынстваў», — падкрэсліў чыноўнік.

Паводле слоў Біднага, сцягам Расіі і Беларусі «не месца на міжнародных спартыўных мерапрыемствах, якія сімвалізуюць справядлівасць, сумленнасць і павагу».

«Гэта сцягі рэжымаў, што ператварылі спорт у інструмент вайны, хлусні і пагарды», — заявіў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]