Зяленскі пра вынікі выбараў у ЗША: Сігналы ад дэмакратаў — пра падтрымку Украіны
- 5.11.2026, 23:54
Украінцы вераць у станоўчыя змены.
Прэзідэнт Украіны Уладзімір Зяленскі заявіў, што ва Украіне спадзяюцца на станоўчыя змены пасля прамежкавых выбараў у ЗША. Дэмакраты падчас кампаніі выразна заяўлялі пра падтрымку Украіны і дапамогу ёй.
Пра гэта Зяленскі сказаў у інтэрв’ю нямецкаму тэлеканалу ZDF.
Адказваючы на пытанне, што для Украіны азначаюць вынікі выбараў у ЗША, прэзідэнт адзначыў, што як «жывыя людзі» ва Украіне заўсёды спадзяюцца: любыя змены будуць больш пазітыўнымі.
«Падчас любых выбараў, асабліва выбараў у ЗША, ты чуеш сігналы. Сігналы ад Дэмакратычнай партыі былі пра тое, што калі яны перамогуць, то, апроч унутраных пытанняў, для іх важна сканцэнтравацца на вайне ў Еўропе. Гэта вайна Расіі супраць Украіны», — сказаў ён.
Зяленскі падзякаваў і дэмакратам, і рэспубліканцам за двухпартыйную падтрымку, але падкрэсліў, што менавіта дэмакраты падчас выбараў вельмі выразна казалі пра дапамогу Украіне.
«На маю думку, гэтыя сувязі паміж Амерыкай і Еўропай за апошнія два гады былі часткова страчаныя. А гэты саюз для нас вельмі важны, таму што без яго спыніць Пуціна вельмі складана. І таму ёсць надзея, што цяпер складзецца такі баланс сіл, што нас будуць больш падтрымліваць», — адзначыў ён.
Па словах Зяленскага, калі Кангрэс пачне гаварыць пра моцную фінансавую або вайсковую падтрымку Украіны, падобную да той, якую цяпер дэманструе Еўропа, гэта стане пазітыўным сігналам.
«Гэты пазітыў будзе ўплываць на Пуціна, і ён будзе думаць, ці ёсць для яго сэнс працягваць вайну. Лагічна, што гэта прыблізіць нас да магчымых перамоваў і магчымага міру», — дадаў кіраўнік дзяржавы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
