«Пуцін ваюе не за Славянск і Краматорск»

Мэта Крамля — аднаўленне СССР.

Шмат хто не да канца разумее сутнасць апошніх пагроз кіраўніка Крамля Уладзіміра Пуціна.

Лагічную паслядоўнасць патлумачыў аўтарытэтны аглядальнік, блогер, вядомы пад псеўданімам «Быть Или», перадае Dialog.UA.

Паводле канцэпцыі вайны Пуціна, ён ваюе не з Украінай, а з Захадам, а дакладней, Захад на яго напаў і ваюе супраць яго рукамі Украіны. (Калі вы лічыце, што гэта вайна за Славянск і Краматорск, далей можаце не чытаць: пансіянат па доглядзе за блажанымі па іншым адрасе).

У гэтай вайне Пуцін ставіць перад сабой дзве мэты: аднаўленне СССР у тым ці іншым выглядзе і вяртанне НАТА да межаў 1997 года.

Першапачаткова план Пуціна заключаўся ў тым, каб ліквідаваць «інструмент», якім Захад ваюе супраць яго, то-бок Украіну. План зваўся «Кіеў за 3 дні» і цалкам праваліўся. За 4 гады і 7 месяцаў Пуцін даваяваўся да таго, што Украіна спаліла 50 % яго нафтаперапрацоўкі.

Не маючы магчымасці нічога зрабіць з, як ён лічыць, «лялькай» (Украінай), Пуцін шукае магчымасць ударыць па самім «лялькаводзе» (Еўропе).

Такой магчымасці да прыходу Трампа ў Пуціна ніколі не было. Байдэн даваў абавязацельства абараняць кожную цаль тэрыторыі НАТА, і, з пункта гледжання Пуціна, (не варта было — рэд.) увогуле ў гэта ўвязвацца. Бо прамая вайна з ЗША, нават абмежаваная, гэта прамая вайна з ЗША.

Трамп змяніў гэты стратэгічны разлік, дэ-факта адмовіўшыся абараняць краіны Балтыі. У Пуціна ўпершыню з'явілася акно магчымасцяў, каб ударыць па Еўропе, не рызыкуючы ўвязацца ў прамую вайну з ЗША.

Пуцін ведае, што не пераможа Еўропу ў канвенцыйнай вайне (нават без умяшання ЗША), проста таму, што розніца ў насельніцтве — 3,5 да 1, розніца ў эканоміцы — 20 да 1, таму любы канвенцыйны ўдар павінен быць падмацаваны ЯДЗЕРНЫМ — там, дзе ў Пуціна ўжо каласальная перавага над Еўропай: па разгорнутых баегалоўках — 4,5 да 1, па сумарным арсенале — 9 да 1.

Адсутнасць рэакцыі ЗША на пагрозы Пуціна адкрывае яму дарогу да выканання намераў: ударыць па Еўропе, падмацаваўшы ўдар пагрозай прымяніць тактычную ядзерную зброю. У выпадку канвенцыйнага адказу Еўропы ядзерная зброя можа быць ужытая.

Удар па Еўропе будзе абстаўлены стандартнай рыторыкай Пуціна:

— калі вайна непазбежная, трэба біць першым, а вайна непазбежная, бо, вы ж бачыце, Еўропа сама кажа пра вайну ў 2029–30 гг.;

— цяпер я вам пакажу, адкуль на Калінінград рыхтавалася нападзенне і г. д. У выпадку канвенцыйнага адказу Еўропы на расійскую агрэсію (я не ведаю, дзе і як гэта будзе, гэтую інфармацыю павінны даць заходнія разведкі), Пуцін выставіць адказ Еўропы як «агрэсію супраць Расіі» дакладна так, як вайну супраць Украіны ён падае як адказ Расіі на «агрэсію Украіны супраць насельніцтва Крыму і Данбаса».

Вось такія ў нас на сёння ўводныя. Вось да гэтага мы цяпер рухаемся прамым курсам.

Што можа змяніць гэтую сітуацыю, — гэта асобная размова, але найперш ЗША павінны вярнуцца ў гульню. Што цяпер Еўропе трэба рабіць у першую чаргу, — гэта сабрацца ўсім разам і вырашыць, што яны будуць рабіць, калі Пуцін запусціць па іх «ядзерку», а ЗША не з'явяцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]