Зяленскаму і ўсяму ўкраінскаму народу прысудзілі медаль Лойшнера

Гэта вышэйшая ўзнагарода нямецкай зямлі Гесэн.

Прэзідэнт Украіны Уладзімір Зяленскі быў удастоены медаля Вільгельма Лойшнера — вышэйшай узнагароды федэральнай зямлі Гесэн у Германіі. Узнагарода таксама адрасаваная ўсяму ўкраінскаму народу.

Пра гэта паведамляе DW.

Прэм'ер-міністр Гесэна Барыс Райн распавёў, што Зяленскага вырашылі ўзнагародзіць у знак прызнання яго «нястомнай барацьбы за тэрытарыяльную цэласнасць Украіны, свабоду, дэмакратыю і інтэграцыю Украіны ў палітычную сістэму і сістэму каштоўнасцей Еўрапейскага Саюза».

«У той жа час гэта ўзнагарода адрасаваная ўсяму ўкраінскаму народу, які пад яго (Зяленскага, — рэд.) кіраўніцтвам ужо амаль пяць гадоў абараняе не толькі суверэнітэт сваёй краіны і жыццё сваіх грамадзяў, але і Еўропу і нашы еўрапейскія каштоўнасці, стаўшы ахвярай жорсткай расійскай агрэсіўнай вайны, што супярэчыць міжнароднаму праву», — дадаў прэм'ер.

Медаль названая ў гонар нямецкага палітыка Вільгельма Лойшнера — удзельніка руху Супраціву. Пасля няўдалага замаху на нацысцкага дыктатара Адольфа Гітлера 20 ліпеня 1944 года яго прысудзілі да смяротнага пакарання. Медаль уручаюць з нагоды Дня Канстытуцыі Гесэна, які адзначаецца 1 снежня.

Чакаецца, што Зяленскі можа прысутнічаць на цырымоніі ўручэння 1 снежня 2026 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]