У Маскве пачаліся аблавы на прызыўнікоў

Затрыманых за адзін-два дні адпраўляюць у армію.

У Маскве сілавікі актывізавалі рэйды па «адлове» маладых людзей прызыўнога ўзросту з мэтай накіравання ў войскі. Як паведамляе са спасылкай на саміх масквічоў праваабарончы праект «Ідзіце лесам», такія рэйды праходзяць у метро, у МФЦ або проста на вуліцах сталіцы.

Толькі з 13 па 21 кастрычніка паступіла шэсць падобных зваротаў. Так, 13 кастрычніка двух маладых людзей, у аднаго з якіх, па словах родных, быў медыцынскі адвод з-за металічнай пласціны ў назе, схапілі каля метро і павезлі ў Адзіны пункт прызыву (ЕПП) і зборны пункт на Угрэшскай для «размеркавання на службу». Яшчэ аднаго прызыўніка, студэнта маскоўскага ўніверсітэта 2002 года нараджэння, затрымалі каля дзвярэй кватэры. Сілавікі даставілі яго на Угрэшскую.

Па словах родзічаў, у зборным пункце заявілі, што ім «усё адно», а прывезці даведку з універсітэта яны не паспеюць, бо маладога чалавека ўжо накіруюць у войскі. Сувязі з усімі трыма прызыўнікамі не было. Таксама паведамляецца пра актыўныя паліцэйскія праверкі на станцыях метро. Маладзёнаў спыняюць, правяраюць пашпарты і патрабуюць разблакіраваць тэлефоны і зайсці на «Госуслуги».

Гэтую інфармацыю пацвярджае кіраўнік юрыдычнага аддзела праекта Цімафей Васькін. Паводле яго слоў, аблавы на прызыўнікоў прывязаныя да дат адпраўкі ў войскі, якія былі прызначаныя на сярэдзіну кастрычніка. Затрыманых вязуць на Угрэшскую, а адтуль «за адзін-два дні ў армію, дадому ўжо не адпускаюць».

У Маскве таксама затрымліваюць мужчын сталага ўзросту. Паводле інфармацыі «Ідзіце лесам», на мінулым тыдні на станцыі «Тэкстыльшчыкі» паліцэйскія спынілі 51-гадовага мужчыну для праверкі дакументаў. Яны «праверылі пашпарт па планшэце», пасля чаго адпусцілі масквіча. З яго слоў, іншага мужчыну таго ж узросту сілавікі адвялі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]