Украіна ўжо амаль месяц чакае подпісу Гегсэта для паставак ракет Patriot
2- 26.10.2026, 20:20
Пра гэта паведаміў Зяленскі.
Сёння, 26 кастрычніка, прэзідэнт Украіны Уладзімір Зяленскі правёў селектарную нараду па сітуацыі з пастаўкамі ўзбраення ад партнёраў і аднаўленнем энергетыкі пасля расійскіх удараў.
Пра гэта Зяленскі паведаміў у тэлеграм-канале.
Паводле яго слоў, прэм’ер-міністр Сяргей Карэцкі даклаў пра працу ў рэгіёнах.
«Дзякую кожнай рамонтнай брыгадзе, усім энергетычным кампаніям, якія поўнасцю выконваюць пастаўленыя задачы. Працы вядуцца фактычна без перапынку, і мы выкарыстоўваем створаныя рэзервы абсталявання. Разлічваю на своечасовую і дастатковую камунікацыю з боку МЗС Украіны, Міністэрства энергетыкі і іншых задзейнічаных структур адносна папаўнення гэтых рэзерваў», — адзначыў Зяленскі.
Ён таксама адзначыў, што міністр абароны Украіны, галоўнакамандуючы Узброеных Сіл Украіны і міністр замежных спраў дакладалі пра сітуацыю з пастаўкамі ва Украіну перахопнікаў для СПА, перадусім «Patriot».
«Мы працуем па некалькіх напрамках: са Злучанымі Штатамі, Еўропай і іншымі партнёрамі, у якіх ёсць запас ракет PAC-2 і PAC-3. У прыватнасці, ужо амаль месяц чакаем подпісу спадара Гегсэта па ракетах для «Patriot» і «NASAMS». Даручыў яшчэ раз абмеркаваць гэта з амерыканскім бокам. Працягваюцца перамовы і з іншымі краінамі», — дадаў Зяленскі.
Асобна ўдзельнікі селектарнай канферэнцыі абмеркавалі падрыхтоўку да сустрэчы ў «Рамштайне» ў лістападзе.
«Важна паскорыць выкананне рашэнняў, якія ўжо пэўны час ляжаць на стале. Кожны пакет падтрымкі — гэта магчымасць абараніць жыцці людзей. Дзякуй усім, хто рэальна падтрымлівае і, у прыватнасці, дапамагае паскорыць жыццёва неабходныя пастаўкі», — рэзюмаваў кіраўнік дзяржавы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
