Большасць немцаў не верыць заявам Пуціна пра гатоўнасць да міру
3- 23.10.2026, 20:10
Апытанне.
Большасць немцаў не верыць у шчырую зацікаўленасць дыктатара РФ Уладзіміра Пуціна у перамір’і з Украінай, паводле вынікаў новага апытання ZDF-Politbarometer, апублікаванага ў пятніцу, 23 кастрычніка, паведамляе DW.
Усяго 16% жыхароў Германіі лічаць, што Крэмль сапраўды імкнецца да спынення баявых дзеянняў. Сярод прыхільнікаў ультраправой партыі «Альтэрнатыва для Германіі» (АдГ) такіх амаль палова — 49 працэнтаў. Пераважная большасць немцаў, якія падтрымліваюць іншыя палітычныя сілы (79%), сумняюцца ў шчырасці нядаўніх заяў расійскіх уладаў пра гатоўнасць завяршыць вайну ва Украіне.
Раней Уладзімір Пуцін заявіў, што Масква гатовая да трохбаковых перамоваў аб завяршэнні вайны, развязанай РФ супраць Украіны. У прыватнасці, расійскі прэзідэнт адзначыў, што падчас нядаўняй сустрэчы са спецпасланнікам ЗША Стывенам Уіткафам ён згадзіўся аднавіць дыялог з Кіевам па пасярэдніцтве Вашынгтона.
Сярод іншых нядаўніх ініцыятыў Крамля — ідэя правесці перамовы аб Украіне з ЗША і Кітаем без удзелу прадстаўнікоў ЕС і Кіева.
З дадзеных ZDF Politbarometer таксама вынікае, што 38% немцаў назвалі пазіцыю Трампа прарасійскай. Толькі 1% жыхароў ФРГ лічыць, што кіраўнік Белага дома падтрымлівае Украіну. Большасць апытаных (57%) лічыць, што прэзідэнт Злучаных Штатаў не становіцца на бок ніводнай з дзвюх краін.
Пры гэтым, згодна з вынікамі апытання, салідарнасць немцаў з Украінай застаецца на папярэднім узроўні. Так, 30% рэспандэнтаў выступаюць за ўзмацненне вайсковай падтрымкі Кіева з боку ЕС, а яшчэ 33% станоўча ацэньваюць цяперашні ўзровень еўрапейскай дапамогі. Іншая траціна немцаў, 32%, выступае за скарачэнне вайсковай дапамогі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
