Зяленскі назваў сапраўдную мэту Пуціна ў вайне супраць Украіны

Крамлёўскі дыктатар будзе працягваць эскалацыю.

Расійскія акупанты і далей будуць блакаваць партовую інфраструктуру Украіны ў Чорным моры, біць па энергасістэме і па ўсім, што звязана з водазабеспячэннем, заявіў прэзідэнт Украіны Уладзімір Зяленскі.

«Мы гэта бачым, разумеем і робім усё, каб гэта абараніць. Па мастах яны ўжо б’юць. То-бок гэта ўжо не планы, гэта на сённяшні дзень рэальнасць. Мы збіваем усё, што можам, і вы бачыце, што так, далятае. На жаль, у іх ёсць такая мэта, але мы робім усё, каб абараняць інфраструктуру», — дадаў украінскі лідар, адказваючы на пытанне журналіста.

Паводле яго слоў, усё яшчэ трэба рабіць больш для абароны ад расійскіх атак. І гэта датычыць усіх, уключаючы палітыкаў, вайскоўцаў, цэнтральную і мясцовую ўладу. Акрамя таго, Зяленскі падкрэсліў, што крамлёўскі дыктатар Пуцін будзе працягваць эскалацыю.

Таму Украіне неабходна прымушаць РФ да міру і паралельна аб’ядноўваць увесь свет. «Мы павінны прымушаць Пуціна да перамоваў, да ceasefire (рэжыму спынення агню), да спынення удараў па інфраструктуры, па энергетыцы і па людзях, па грамадзянскай інфраструктуры прынамсі», — адзначыў ён.

Бо калі паказваць слабасць — Пуціна нічога не спыніць. Маскоўскаму лідару, паводле слоў Зяленскага, мала капітуляцыі Украіны — яму хочацца нашага знішчэння.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]