Лукашэнка падпісаў шэсць сакрэтных указаў

Для пабудовы цэлюлознага завода ў Наваполацку.

Лукашэнка падпісаў указ «Аб інвестыцыйным праекце», які прадугледжвае меры па рэалізацыі праекта будаўніцтва цэлюлознага завода магутнасцю 800 тысяч тон у год на тэрыторыі РУП «Наваполацкі завод БВК». Афіцыйна ўказ апублікаваны 17 кастрычніка.

У апублікаваным дакуменце не засакрэчаныя два пункты: адмена шэрагу папярэдніх указаў, звязаных з заводам, і неадкладнае ўступленне новага ўказу ў сілу. Пункты 1, 2, 3, 4, 6 і 7 маюць паметку «для службовага карыстання».

Чым выкліканая такая сакрэтнасць вакол цэлюлознага камбіната, невядома.

Наваполацкі завод бялкова-вітамінных канцэнтратаў пачаў вытворчасць у 1978 годзе, спыніў яе ў 1995-м. У 2000-х завод перапрафілявалі на выпуск кармавога бялку з адходаў збожжавай сыравіны. Затым там спрабавалі наладзіць перапрацоўку нафтапрадуктаў, вытворчасць батарэй і спецыяльных машын, але ў выніку ад гэтых праектаў адмовіліся.

У 2012 годзе завод БВК перадалі ТАА «Інтэрсервіс», якім валодаў блізкі да Лукашэнкі падсанкцыйны бізнесмен Мікалай Верабей. Не выключана, што новы засакрэчаны ўказ звязаны з ім: 15 кастрычніка Лукашэнка адкрыта паабяцаў Вераб’ю новыя землі і датацыі. Маўляў, для жывёлагадоўчага комплексу Вераб’я патрэбныя кармы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]