Ганс Цімер напіша саўндтрэк для серыяла HBO паводле «Гары Потэра»
1- 15.01.2026, 20:17
Прэм'ера серыяла запланаваная на 2027 год.
Кампазітар Ганс Цімер і яго музычная кампанія Bleeding Fingers Music напішуць саўндтрэк для новага серыяла HBO паводле «Гары Потэра». Аб гэтым паведаміла прэс-служба HBO ў Instagram.
«Музычная спадчына «Гары Потэра» з'яўляецца адпраўной кропкай для кампазітараў ва ўсім свеце, і для нас вялікі гонар далучыцца да такой выдатнай каманды ў праекце такога маштабу», — перадае HBO заяву Ганса Цімера і кампазітараў Bleeding Fingers Music Кары Тальвэ і Анжэ Розмана.
Кампазітары адзначылі, што музыка для новага серыяла аддасць даніну павагі спадчыне «Гары Потэра». Пры гэтым яе аўтары пераасэнсуюць гучанне для тэлевізійнага фармату. Арыгінальную музыку да фільмаў напісалі Джон Уільямс («Філасофскі камень», «Пакой таямніц», «Вязень Азкабана»), Патрык Дойл («Кубак агню»), Нікалас Хупер («Ордэн Фенікса», «Гары Потэр і Прынц-паўкроўка») і Аляксандр Дэспла («Дары Смерці»).
Ганс Цімер заснаваў Bleeding Fingers у 2013 годзе. Кампазітары аб’яднання напісалі музыку да дакументальнага серыяла BBC «Замёрзлая планета-2», серыяла Apple TV+ «Даістарычная планета», «Сімпсанаў» і іншых праектаў. Ганс Цімер напісаў саўндтрэкі да больш чым 230 фільмаў — мастацкіх, тэлевізійных, анімацыйных, дакументальных, уключаючы «Апошняга імператара», «Чалавека дажджу», «Код да Вінчы», «Шэрлака Холмса» і «Караля Льва». Ён таксама стварыў музычнае суправаджэнне для іншага серыяла HBO «Эйфарыя» і фільма «Дзюна: Частка трэцяя».
Прэм'ера серыяла запланаваная на 2027 год на платформах HBO і HBO Max. Шоў плануюць зняць у сямі сезонах, паводле колькасці кніг Джоан Роўлінг, якая таксама выступіла прадзюсаркай праекта.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
