Эканаміст: У Беларусі павысяць пенсійны ўзрост для жанчын

Рашэнне ўжо «на стале».

Такое меркаванне ў эфіры перадачы «Беларусь 2030» агучыў эканаміст Леў Львоўскі, паведамляе «Еўрарадыё».

У краіне працягвае расці дэфіцыт ФСЗН, і гэты дэфіцыт трэба неяк скарачаць. Папярэдняе павышэнне пенсійнага ўзросту да 60 гадоў для жанчын і да 63 гадоў для мужчын адбылося ў 2016-м па тых жа прычынах.

«Цяпер той час, калі новыя планы, новы праект павышэння пенсійнага ўзросту ляжаць, калі не на стале, дык дзесьці ў верхняй шуфлядзе таго самага стала», — кажа эканаміст.

Львоўскі папярэджвае: у бліжэйшы час пенсійны ўзрост могуць павысіць для жанчын — яго зраўняюць з мужчынскім. Атрымаецца, што і жанчыны, і мужчыны будуць выходзіць на пенсію ў 63 гады.

«Да 2030 года гэта сітуацыю выратуе. Але, я спадзяюся, Беларусь будзе жыць і пасля 2030-га, і пасля 2050-га, і яшчэ доўга. І чым далей, тым больш будзе праблем з дэмаграфіяй, з людзьмі», — папярэджвае эканаміст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]