ЗША рыхтуюць удар па Мадура?

Амерыканскія знішчальнікі F-35 прыбылі на вайсковую базу ў Пуэрта-Рыка.

Пяць амерыканскіх знішчальнікаў F-35 прызямліліся на былой базе ВМС ЗША Рузвельт-Роудс у Сейбе (Пуэрта-Рыка), паведамляе Reuters. Гэта адбылося праз тыдзень пасля таго, як прэзідэнт Дональд Трамп загадаў накіраваць у Карыбскі рэгіён дзесяць такіх самалётаў для аперацый супраць наркакартэляў.

За апошнія дні на базе таксама бачылі амерыканскія верталёты, канвэртапляны V-22 Osprey і транспартныя самалёты. На пытанні пра разгортванне Пентагон заявіў, што пакуль не мае намеру абвяшчаць пра змены ў канфігурацыі сіл.

Венесуэльскія ўлады заявілі, што 12 верасня амерыканскі эсмінец затрымаў і на працягу 8 гадзін утрымліваў венесуэльскае рыбаловацкае судна ў межах выключнай эканамічнай зоны краіны. Каракас назваў дзеянні ЗША «незаконнымі і варожымі».

Абвастрэнне пачалося пасля ўдару ВМС ЗША па катэры з грамадзянамі Венесуэлы 2 верасня: тады загінулі 11 чалавек. Вашынгтон сцвярджае, што судна перавозіла наркотыкі і належала да групоўкі Tren de Aragua, якую ЗША прызналі тэрарыстычнай арганізацыяй. Венесуэла адмаўляла сувязь загінулых з наркагандлем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]