У Егіпце знайшлі пасудзіну з, магчыма, найстаражытнейшым згадваннем пра Хрыста

Яго ўзрост — 2000 гадоў.

Керамічную чашу, якой каля 2000 гадоў, выявілі падчас раскопак у затопленай гавані Аляксандрыі. Даследчыкі мяркуюць, што гэта можа быць самае першае згадванне пра Хрыста па-за Бібліяй, піша New Voice.

Так званую «Чашу Ісуса» археолагі на чале з французскім даследчыкам Франкам Годдыё знайшлі яшчэ ў 2008 годзе. Яна добра захавалася, страчана толькі адна ручка. На ёй выгравіраваны грэчаскі надпіс: DIA CHRSTOU O GOISTAIS, што перакладаюць як «Праз Хрыста заклінальнік».

Спецыяліст па Новым Запавеце Джэрэмая Джонстан патлумачыў, што артэфакт датуецца першым стагоддзем нашай эры — менавіта тады быў распяты Ісус. Паводле яго слоў, рэпутацыя Ісуса як лекара, цудатворцы і заклінальніка духаў магла надаць значэнне гэтаму прадмету.

Годдыё выказаў меркаванне, што надпіс на чашы мог выкарыстоўвацца для легітымацыі варажбітных рытуалаў. Падобны посуд сустракаўся на старажытнаегіпецкіх статуэтках, дзе паказаны цырымоніі варажбы: у ваду налівалі алей, уваходзілі ў транс і імкнуліся атрымаць відзенні. Выгукванне імя Хрыста магло надаваць такім абрадам большую моц.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]