Камунальнікі расказалі, калі ў дамах Менска закрыюць усе смеццеправоды
13- 9.02.2025, 17:28
- 4,996
Але рабіць гэта будуць толькі са згоды жыхароў.
У 2024 годзе ў сталіцы плануецца закансерваваць больш як 1,8 тысячы смеццеправодаў. Але рабіць гэта будуць толькі са згоды жыхароў, расказалі агенцтву "Минск-Новости" ў Менскай гарадской жыллёвай гаспадарцы.
Ліквідацыя смеццепрыёмнікаў у пад'ездах жылых дамоў ідзе ў Беларусі ўжо некалькі гадоў. Гэта прадугледжанае Нацыянальнай стратэгіяй у абыходжанні з цвёрдымі камунальнымі адкідамі і другаснымі матэрыяльнымі рэсурсамі.
У МГЖГ гавораць, што, акрамя антысанітарыі, шуму і пажаранебяспекі, смеццеправоды забіраюць цяпло з пад'ездаў. А самае галоўнае: яны не дазваляюць ажыццяўляць сартаванне і паасобны збор смецця.
Між тым у Беларусі распрацавалі новыя правілы раздзельнага збору смецця, за парушэнне якіх у будучыні будуць штрафаваць.
Тым не менш смеццеправоды ў дамах закрываюць павольна. У 2024 годзе іх заварылі толькі блізу 200, тады як агульная колькасць дзейных смеццеправодаў у Менску - амаль 7 тысяч.
Як гавораць камунальнікі, пастанову аб закрыцці смеццеправода павінна быць падтрыманая жыхарамі. Рабіць гэта без іх згоды забаронена. Так што гэтая праца можа расцягнуцца на гады.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
