Украіна здольная выйграць гэтую вайну

Расіяне прымяняюць самыя прымітыўныя падыходы.

Украіна можа выйграць гэтую вайну. Перыядычна мы нагадваем пра гэта сабе і ўсяму свету. Вось і зноў нагадалі

Вельмі важна пра гэта памятаць: насамрэч мы з уражальным рахункам пераўзыходзім расіян па вынаходлівасці і крэатыўнасці. Гэта праяўляецца і ў тактыцы, аператыўным мастацтве, і ў тэхналогіях.

Мы паспяхова праводзім імклівыя наступальныя аперацыі, а расіяне — не. Нечаканымі і выверанымі ўдарамі мы адбівалі Харкаўшчыну, Херсон, зайшлі на Куршчыну, нядаўна адкінулі ворага каля Купянска. А ў расіян наступ — гэта прымітыўнае выцісканне нас масай, трупамі.

Мы больш вынаходлівыя ў тэхніцы. Мы былі першымі ва ўкараненні малых дронаў для разведкі, ФПВ — для нанясення удараў, марскіх безэкіпажных катэраў — для знішчэння флоту праціўніка, аградронаў — для бомбавых удараў.

Так, расіяне больш сістэмныя, лепш маштабуюцца. Бо ў іх на вайну працуе ўся іх дзяржава, мясцовыя і федэральныя ўлады, алігархі і карупцыянеры. У нас — ніводная з гэтых катэгорый не ўключана ў поўнай меры. У нас справа абароны Радзімы — гэта клопат войска.

І ўсё ж мы трымаемся.

І вось, здаецца, мы выкарысталі магутныя падводныя дроны. Зноў няма аналагаў гэтай аперацыі, зноў упершыню ў свеце!

Каб яшчэ раз падкрэсліць сваё панаванне над рускімі ў Чорным моры. Каб яшчэ раз нагадаць сабе і ўсім, што мы можам выйграць гэтую вайну.

Расіяне прымяняюць самыя прымітыўныя падыходы. Яны лезуць наперад, выкарыстоўваючы людзей як біяпаліва. Яны штодня запускаюць ракеты і дроны па нашай энергетыцы, без усялякага эфекту для вайны. У іх вельмі мала вынікаў, затое ўсё гэта адбываецца штодня і дзейнічае як гіпноз. Яны гіпнатызуюць сябе і свет біяробатамі і шахедамі — у гіпнозе, здаецца, важная не якасць, а колькасць, працягласць.

Кожны свядомы назіральнік за рэаліямі вайны разумее, што ўсе тэрытарыяльныя поспехі расіян каштуюць вельмі мала. Што мы здольныя перакрэсліць іх сваімі наступальнымі аперацыямі. Што ціск на наш тыл мы здольныя збалансаваць ударамі па расійскай вайсковай і энергетычнай інфраструктуры.

Нам засталася толькі адна рэч. Мы павінны вынайсці комплекс тэхналогій і тактык, каб спыніць расійскі пяхотны штурм.

І тады мы пераможам. Калі расіяне перастануць ісці наперад, калі спыняцца, яны страцяць веру, і іх імперская перанапружаная машына рассыплецца. Бунт Прыгожына калісьці раскрыў (але не выкарыстаў) сакрэт: Расія пустая і слабая знутры.

Украіна здольная выйграць гэтую вайну.

Ігар Луцэнка, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]