14 лiпеня 2024, Нядзеля, 1:30
Падтрымайце
сайт
Сім сім,
Хартыя 97!
Рубрыкі

У Мінабароны РФ запанікавалі праз масаваны напад дронаў на пяць абласцей

У Мінабароны РФ запанікавалі праз масаваны напад дронаў на пяць абласцей

Паведамляецца аб налёце амаль 90 беспілотнікаў.

Гэтай ноччу ў шэрагу абласцей Расейскай Федэрацыі, а таксама ў часова акупаваным украінскім Крыме, працавалі сілы і сродкі супрацьпаветранай абароны праз нібыта маштабную атаку з выкарыстаннем беспілотнікаў.

Пра гэта паведамляе РБК-Украіна са спасылкай на Telegram Мінабароны РФ.

У абаронным ведамстве краіны-агрэсаркі сцвярджаюць, што ўночы на 14 чэрвеня была "спынена спроба" ажыццявіць атаку з прымяненнем БПЛА самалётнага тыпу па аб'ектах на тэрыторыі РФ і акупаванага Крыма.

Традыцыйна расейскі бок абвінавачвае Украіну ў такім налёце дронаў.

Пры гэтым у раскйскім міністэрстве заяўляюць, што сродкамі СПА былі "перахоплены і знішчаны" 87 беспілотнікаў, і львіная частка з іх - у Растоўскай вобласці.

Так, паводле справаздачы Мінабароны РФ, пры адбіцці паветранага нападу нібы было ліквідавана:

70 дронаў - у Растоўскай вобласці,

2 БПЛА - у Белгародскай вобласці,

2 дроны – у Валгаградскай вобласці,

6 беспілотнікаў - у Варонежскай вобласці,

6 БПЛА ў Курскай вобласці,

1 - над часова акупаваным Крымам.

Напісаць каментар

Таксама сачыце за акаўнтамі Charter97.org у сацыяльных сетках