Канцэрты Вайцюшкевіча забароненыя

Выступленне Зміцера Вайцюшкевіча 20 ліпеня не адбудзецца.

Пра гэта паведаміў «Нашай Ніве» арганізатар канцэрта Павел Кашырын.

Першапачаткова музыка, якому сёння споўнілася 40 гадоў, павінен быў правесці канцэрт «Пра час і пра сябе» ў ДК Ветэранаў. Але яго адмянілі, спаслаўшыся на рамонт. Сёння раніцай Зміцер Вайцюшкевіч паведаміў «НН», што, магчыма, канцэрт адбудзецца ў зале Чырвонага касцёла.

«За гэтыя два дні я абышоў усе магчымыя памяшкання і ўсюды нам адмовілі», - распавёў Павел Кашырын. Ён кажа, што канцэрт можа адбыцца заўтра ў адным з менскіх кафэ, але гэта яшчэ пакуль недакладная інфармацыя.

Вярнуць грошы за квіткі можна заўтра, 21 ліпеня, каля ДК Ветэранаў з 18 да 19-ці. Тэлефон для кантактаў: +375 29 671 58 65 (vel).