Пуцін падтрымаў ідэю браць на службу цяжкахворых добраахвотнікаў

Яны будуць збіваць дроны.

Пуцін падтрымаў прапанову браць на вайсковую службу добраахвотнікаў з катэгорыяй здароўя «Д» — то бок цалкам непрыдатных да службы. З ініцыятывай на сустрэчы з прэзідэнтам 5 верасня выступіў ваенны прапагандыст Яўген Паддубны, паведамляе «Радыё Свабода».

Паводле яго прапановы, якая атрымала адабрэнне Пуціна, добраахвотнікі з катэгорыяй «Д» маглі б служыць «у рэгіянальных падраздзяленнях па абароне неба, па знішчэнні беспілотнікаў». Паддубны заявіў, што ахвотных шмат, у тым ліку сярод былых вайскоўцаў расійскай арміі, якія атрымалі цяжкія раненні на фронце ва Украіне. «Вельмі просяць дазволіць служыць як выключэнне. Зразумела, што гаворка не ідзе пра пярэдні край. Свой горад, сваю вёску, прадпрыемства», — удакладніў Паддубны.

Катэгорыя «Д» — «не прыдатны да вайсковай службы» — прысвойваецца людзям з I або II групай інваліднасці, якія пакутуюць на цяжкія фізічныя і псіхічныя захворванні, маюць ураджаныя заганы або страцілі канечнасці ў выніку траўмаў.

Раней блогеры і незалежныя СМІ неаднаразова паведамлялі, што расійскія ўлады вербуюць на кантрактную службу на вайне ва Украіне людзей, якія не павінны служыць па стане здароўя, а таксама накіроўваюць на фронт недалечаных параненых проста з ваенных шпіталяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]