Трамп падпісаў указ аб стварэнні анлайн-партала дзяржаўных паслуг ЗША

Сайт з’яўляецца «адзінай кропкай доступу» да інфармацыі або паслуг федэральнага ўрада.

Прэзідэнт ЗША Дональд Трамп падпісаў указ аб стварэнні адзінага ШІ-партала для дзяржаўных паслуг у краіне America.gov. Пра гэта паведаміў Белы дом.

«Гэта бяспечная, інтэлектуальная і арыентаваная на прадастаўленне паслуг адзіная кропка ўваходу, праз якую чалавек можа ўвайсці ў сістэму, размаўляць простай мовай, атрымліваць дакладныя адказы і — дзе гэта дазволена і тэхнічна магчыма — ажыццяўляць дзяржаўныя транзакцыі», — паведаміла адміністрацыя Трампа.

Кіраўнік дзяржавы ўжо запусціў партал і абавязаў федэральныя ведамствы падключыцца да яго.

«Падобныя інавацыі ў дзяржаўным кіраванні — гэта толькі прэв’ю таго, што магчыма са звышінтэлектам (так Трамп называе ШІ. — Заўв.)», — сказаў Трамп (цытата паводле The Washington Post).

Паводле яго слоў, партал дазволіць не «прабівацца праз бясконцы лабірынт дзесяткаў тысяч жудасных урадавых вэб-сайтаў».

Axios піша, што цяпер сэрвіс уяўляе сабой чат ШІ, праз які можна «паставіць любое пытанне» і атрымліваць інфармацыю з федэральных рэсурсаў без самастойнага пошуку. Яго мэта — дапамагчы выконваць «распаўсюджаныя задачы», напрыклад, падаць заяву на пашпарт або зарэгістравацца ў праграме Medicare.

Праект узначальвае сузаснавальнік Airbnb Джо Геббія — галоўны дызайнер урада ЗША. Паводле яго слоў, з 2027 года сайт перайдзе «ад адказаў да дзеянняў».

Геббія ўваходзіць у рады дырэктараў Airbnb і Tesla і займае 420-е месца ў спісе самых багатых людзей свету паводле версіі Forbes. Яго капітал ацэньваецца ў $8,9 млрд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]