Financial Times: Пуцін прымусіў бізнес плаціць за вайну

Расійскія кампаніі самі аплачваюць абарону ад украінскіх беспілотнікаў.

Пуцін фактычна пераклаў на расійскі бізнес выдаткі на абарону прадпрыемстваў ад украінскіх беспілотнікаў. Кампаніі, якія не змогуць забяспечыць бяспеку сваіх аб’ектаў, рызыкуюць сутыкнуцца з увядзеннем дзяржаўнага кіравання, піша Financial Times (пераклад — сайт Charter97.org).

У канцы жніўня Пуцін падпісаў указ, які дазваляе ўводзіць «часовае кіраванне» на аб’ектах крытычнай інфраструктуры, не абароненых ад атак дронаў. Праз тры дні ўрад стварыў спецыяльную камісію для рэалізацыі новых правілаў.

Былы супрацоўнік Крамля распавёў FT, што ініцыятыва выходзіла ад вайскоўцаў і спецслужбаў. «Яны наракалі, што бізнес сядзіць склаўшы рукі і нават пальцам не хоча варухнуць. Пуцін пагадзіўся», — паведаміў суразмоўца выдання.

Пасля выхаду ўказа колькасць зваротаў кампаній да спецыялістаў па абароне ад дронаў рэзка вырасла. Паводле слоў эксперта Вячаслава Плаксіна, попыт павялічыўся прыкладна ў пяць разоў за кароткі тэрмін.

Праблема для бізнесу таксама ў кошце такой абароны. Аднаму з прадпрыемстваў сістэма абышлася ў 220 млн рублёў, а прадпрымальнік з прыгранічнага рэгіёна паведаміў FT, што выдаткаваў звыш 1,5 млрд рублёў на сродкі СПА.

Пры гэтым дакладных правілаў, якія менавіта аб’екты і якімі сродкамі павінны абараняцца, дагэтуль няма. Шмат якія сістэмы радыёэлектроннай барацьбы патрабуюць спецыяльных дазволаў.

Новыя паўнамоцтвы Крамля выклікаюць у прадпрымальнікаў апасенні, што іх могуць выкарыстоўваць для канфіскацыі актываў. «Гэта стала яшчэ адным новым падаткам», — лічыць эксперт Carnegie Russia Eurasia Center Аляксандра Пракопенка.

Паводле дадзеных FT, Масква фактычна прапануе бізнесу самастойна аплачваць усё больш дарагую абарону ад вайны, якую расійскія ўлады вядуць супраць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]