Узброеныя сілы Украіны дагэтуль утрымліваюць пазіцыі ў Курскай вобласці

Украінскі генерал назваў раёны, якія кантралююць Сілы абароны.

Сілы абароны Украіны працягваюць утрымліваць пазіцыі на тэрыторыі Курскай вобласці РФ у раёне населеных пунктаў Новы Шлях і Палітаддзельскі. Пра гэта заявіў камандуючы 8-м корпусам ДШВ, генерал Дзмітрый Валошын у інтэрв’ю «BBC Украіна».

«Так, яны дагэтуль ёсць (пазіцыі восьмага корпуса ДШВ на тэрыторыі Курскай вобласці). Я магу нават назваць, дзе менавіта. Гэта раён населенага пункта Новы Шлях, напрыклад, дзе мы кантралюем увесь лясны масіў вакол яго. Таксама мы кантралюем раён населенага пункта Палітаддзельскі і прылеглы лясны масіў. Так, гэта невялікія асобныя ўчасткі на Куршчыне, але яны дагэтуль ёсць», — сказаў ён.

Паводле камандзіра, прыкладна год таму расіяне паводзілі сябе больш агрэсіўна і хацелі выбіць Узброеныя сілы Украіны з Куршчыны, «але пакінулі там значную колькасць асабовага складу і адмовіліся ад гэтай задачы».

«Мы, вядома, таксама далей не прасоўваліся, бо ў нас ёсць свае праблемы, з якімі трэба разабрацца. З пункту гледжання ваеннага мастацтва, магчыма, яны і зрабілі правільна: навошта «змагацца» за пару-тройку кіламетраў сваёй тэрыторыі, што па сутнасці ні на што не паўплывае, калі можна паспрабаваць пашырыць сваю зону кантролю на нашай тэрыторыі. Расіяне тут спрабуюць стварыць «буферную зону», шукаюць слабыя месцы, але ў іх не атрымліваецца», — адзначыў Валошын.

Акрамя таго, ён дадаў, што іх асноўная мэта — гэта горад Сумы, абласны цэнтр на мяжы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]