CBS News: ЗША рыхтуюцца да ваеннага ўварвання на Кубу

Разгортванне сіл можа адбыцца ў найбліжэйшыя чатыры месяцы.

Амерыканскія вайскоўцы актыўна праводзяць падрыхтоўку да патэнцыйных ваенных дзеянняў супраць Кубы. Уварванне ЗША можа пачацца ў найбліжэйшыя месяцы.

Пра гэта паведамляе CBS News.

Армейскі рэзерв ЗША разглядае магчымасць прыцягнення да Паўднёвага камандавання дадатковых падраздзяленняў, у тым ліку вайсковай паліцыі, медыкаў і іншых сіл падтрымкі.

Ідзе гаворка пра патэнцыйнае разгортванне такіх фарміраванняў у найбліжэйшыя чатыры месяцы. Паводле слоў журналістаў, аб гэтым сведчыць унутраны дакумент арміі ЗША, які трапіў у іх распараджэнне.

Непасрэдна Куба ў дакуменце не згадваецца. У той жа час некалькі амерыканскіх чыноўнікаў, якія размаўлялі з журналістамі на ўмовах ананімнасці, заявілі, што гэты запыт звязаны з далейшым ваенным планаваннем адносна Кубы. Яны не маюць права публічна каментаваць гэтыя пытанні.

Пры гэтым названы дакумент не ўтрымлівае інфармацыі пра загады на разгортванне канкрэтных ваенных падраздзяленняў.

Планаванне адбываецца на фоне ўзмацнення эканамічнага ціску прэзідэнта ЗША Дональда Трампа на Кубу і заклікаў Вашынгтона да палітычных рэформаў на востраве.

У запыце не ўказана, якая колькасць вайскоўцаў можа спатрэбіцца Паўднёваму камандаванню, зона адказнасці якога ахоплівае Цэнтральную і Паўднёвую Амерыку, а таксама Карыбскі басейн. Таксама невядома, куды могуць накіраваць гэтыя сілы і якую патэнцыйную аперацыю яны павінны забяспечваць.

Тым не менш у дакуменце згадваецца магчымасць стварэння брыгады вайсковай паліцыі. Такія фарміраванні звычайна каардынуюць працу падраздзяленняў вайсковай паліцыі, што займаюцца пытаннямі бяспекі, ўтрымання пад вартай і выканання іншых праваахоўных задач.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]