Лукашэнка абурыўся, што некаторыя беларусы не плацяць за арэнду жылля і камуналку

Дыктатар заявіў, што гэта ў яго «выклікае недаўменне».

На праблему пратэрмінаванай запазычанасці за арэнду жылля і камунальныя паслугі звярнуў увагу Аляксандр Лукашэнка на нарадзе 22 верасня.

Дыктатар адзначыў, што ў яго «выклікаюць недаўменне цэнаўтварэнне і дысцыпліна разлікаў за арэндныя метры».

«У некаторых выпадках арэндная плата за жыллё ў абласных цэнтрах проста сімвалічная: 30 рублёў у месяц за двухпакаёвую кватэру», — адзначыў Лукашэнка.

Ён звярнуў увагу, што на гэтым фоне ўзнікае парадокс: пратэрмінаваная запазычанасць за арэнду і камунальныя паслугі па краіне ў цэлым пераваліла за 20 млн рублёў, а даўжнікі гадамі працягваюць карыстацца арэндаванымі квадратнымі метрамі.

«Капейкі каштуе, і гэтага заплаціць не могуць», — абурыўся узурпатар.

Ён прызнаў, што «сітуацыі бываюць розныя».

«Бывае, чалавек трапіў у бяду, знаходзіцца ў цяжкім становішчы. Яму, можа, і трэба дапамагчы. Але ж не гадамі будзем дапамагаць», — заўважыў Лукашэнка.

Паводле слоў узурпатара, зафіксаваныя Камітэтам дзяржкантролю факты і сумы сукупных даўгоў «паказваюць, што тут нейкая сістэмная недапрацоўка, якую трэба выправіць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]