Зяленскі адказаў на заклік Трампа наконт расійскіх НПЗ

Украіна гатовая дзейнічаць толькі на ўзаемнай аснове.

Украіна спыніць удары па расійскіх нафтаперапрацоўчых заводах у адказ на крокі Крамля па дэскалацыі.

Пра гэта паведамляе «РБК-Украіна» са спасылкай на заяву прэзідэнта Уладзіміра Зяленскага.

Зяленскі падкрэсліў, што Украіна імкнулася да міру з самага пачатку вайны і ўжо вылучыла дзясяткі дыпламатычных прапаноў адносна таго, як годна яе завяршыць, забяспечыць бяспеку і прадухіліць новыя ўварванні РФ.

«Зараз працягваецца дыялог з прэзідэнтам Трампам і ЗША. Таксама разглядаюцца ідэі, якія могуць наблізіць мір, пачынаючы з рашучых крокаў па дэскалацыі. Энергетычны сектар Украіны, крытычная інфраструктура і наш харчовы экспарт павінны перастаць быць мішэнямі для Расіі, і гэта будзе падштурхоўваць нас да адпаведных крокаў па дэскалацыі», — сказаў ён.

Зяленскі дадаў, што ўкраінскі бок гатовы працаваць над рашэннямі і абмеркаваць гэтае пытанне з партнёрамі на палях Генеральнай Асамблеі ААН у Нью-Ёрку.

«Часы, калі цярпела толькі краіна, на якую напалі, мінулі. Сучасная прырода вайны такая, што агрэсар таксама будзе несці страты. Гэта стала магчымым дзякуючы тэхналогіям. Сіла лідарства дзяржаў можа — і павінна — забяспечыць дэскалацыю, бяспеку і мір», — падкрэсліў ён.

Акрамя таго, кіраўнік дзяржавы падкрэсліў, што «вайну супраць Украіны і здаровага сэнсу» варта скончыць.

«З самага пачатку поўнамаштабнага ўварвання яе наступствы сталі маштабнымі: чалавечыя страты, разбурэнні гарадоў і вёсак, пагрозы харчовай бяспецы, выклікі ў энергетыцы, а таксама надзвычайныя тэмпы тэхналагічнага развіцця — у прыватнасці з’яўленне аўтаномных дронаў і імклівае ўдасканаленне ўдарных магчымасцяў, якіх свет яшчэ не бачыў», — гаворыцца ў яго заяве.

Зяленскі рэзюмаваў, што кожны новы тыдзень вайны прыносіць усё больш праблем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]