Японскі рыбацкі гарадок апынуўся на перадавой у спрэчцы з Крэмлём аб Курылах

Пуцiн зноў распалiў стары канфлiкт памiж Японiяй i Расiяй.

Візіт Пуціна на спрэчныя Курыльскія астравы зноў абвастрыў адносіны Расіі і Японіі. Наймацней за ўсё наступствы адчуваюцца ў Немуро — невялікім горадзе на паўночным усходзе Хакайда, размешчаным усяго за некалькі кіламетраў ад тэрыторыі, якую Масква кантралюе з 1945 года, піша The New York Times (пераклад — сайт Charter97.org).

«Калі паміж Японіяй і Расіяй узнікае напружанасць, тут боль ад гэтага адчуваецца адразу», — сказаў мэр Немуро Масатосі Ісігаті.

Японія называе чатыры астравы Паўночнымі тэрыторыямі і патрабуе іх вяртання. Масква лічыць іх расійскімі і ў апошнія гады праяўляе вайсковую актыўнасць у раёне архіпелага. Пуцін падчас нядаўняга візіту наведаў рыбаперапрацоўчае прадпрыемства і дэманстратыўна сустрэўся з мясцовымі жыхарамі.

Для Немуро сітуацыя асабліва балючая. Горад дзесяцігоддзямі падтрымліваў гандлёвыя сувязі з расійскімі портамі. У мясцовых школах дагэтуль выкладаюць рускую мову, а ў гавані захаваліся вывескі па-руску. Расійскія маракі калісьці былі звыклымі гасцямі, набывалі тэхніку, наведвалі рэстараны і бары.

Цяпер такіх наведвальнікаў стала значна менш. Пасля пачатку вайны Расіі супраць Украіны адносіны Масквы і Токіа рэзка пагоршыліся. Расійскія абмежаванні на рыбалоўства ўдарылі па эканоміцы горада, а з-за японскіх санкцый гандаль з Расіяй прыкметна скараціўся.

«Такое адчуванне, што мы апошнія рускія. Цяпер тут горад-прывід», — сказаў расійскі марак Аляксей Дудка.

Пры гэтым Немуро застаецца адным з цэнтраў японскай кампаніі за вяртанне астравоў. Тут працуюць музеі, устаноўленыя помнікі і плакаты з заклікамі вярнуць Паўночныя тэрыторыі.

Але для маладога пакалення гэты канфлікт паступова адыходзіць на другі план. Насельніцтва горада скарацілася прыблізна з 50 тысяч чалавек у 1960-х гадах да 22 тысяч. Жыхароў усё больш хвалююць эканоміка і будучыня самога Немуро.

«Тое, што зрабіў Пуцін, — усяго толькі невялікае палітычнае прадстаўленне. Людзі тут не лічаць гэта чымсьці сур'ёзным», — сказала мясцовая выкладчыца Нацумі Нісіта.

Для старэйшага пакалення спрэчка з Расіяй — гэта частка асабістай гісторыі, а для горада ў цэлым — яшчэ і пытанне эканомікі, якая ўжо шмат гадоў адчувае наступствы пагаршэння адносін з Масквой.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]