Мікалай Статкевіч: Учора я радаваўся і засмучаўся адначасова

Лідар апазіцыі патлумачыў, чаму на волю выйшлі толькі 25 палітвязняў.

Лідар беларускай апазіцыі і былы палітвязень Мікалай Статкевіч пракаментаваў вызваленне 25 палітвязняў у сваім Telegram-канале. Ён прызнаўся, што рады вызваленню людзей, але адзначыў, што чакаў больш значнага выніку перамоваў з амерыканскім бокам.

— Як і многія беларусы, учора я радаваўся вызваленню чарговай групы палітвязняў і засмучаўся, што замест абяцанай прадстаўніком адміністрацыі ЗША вялікай іх колькасці на волю выйшлі толькі 25 чалавек.

Шчыра кажучы, чаканы вынік. Бо было парушана ключавое правіла гандлю, якое мусяць ведаць не толькі спецыялісты па «здзелках», але і любы звычайны пакупнік. Калі набываеш нейкі тавар і загадзя пачынаеш публічна выяўляць сваю зацікаўленасць у набыцці яго ў вялікай колькасці, то прадавец аўтаматычна падніме цану гэтага тавару.

Разумею, што спадар Коул казаў тое, чаго з нецярплівасцю чакалі пачуць ад яго тысячы беларусаў, але, калі маеш справу з прыроджаным (у літаральным сэнсе) гандляром, варта прагназаваць яго рэакцыю на свае словы.

Але ўсё роўна — дзякуй!

Віншую вызваленых і іх блізкіх!

А тым, хто яшчэ ў зняволенні за свае перакананні, жадаю цярпення і волі!

Трымайцеся, браты і сёстры!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]