Улады Мінска таемна выдзелілі ўчастак у Драздах высокапастаўленаму расійскаму чыноўніку

Рашэнне было прынятае ў рэжыме сакрэтнасці.

Экс-пасол Расіі ў Беларусі Дзмітрый Мязенцаў атрымаў ўчастак у мікрараёне Дразды ў Мінску і будуе там катэдж. Сталічныя ўлады аформілі гэтае рашэнне распараджэннем з пазнакай «Для службовага карыстання». Пра гэта «Зеркало» даведалася ад дасведчанай крыніцы.

Паводле рашэння мінскіх уладаў, Дзмітрыю Мязенцаву выдзелілі для арэнды амаль на 50 гадоў зямлю ў Драздах. Такое рашэнне прынялі спецыяльным дакументам з грыфам ДСП, гэта значыць «Для службовага карыстання».

Расійскі чыноўнік атрымаў 0,15 га зямлі. Гэта 1500 м², што можна ўявіць як участак 30 на 50 метраў. На такой тэрыторыі цалкам можа змясціцца катэдж да 250 квадратных метраў.

Паводле даных спадарожнікавых здымкаў, будаўніцтва дома ўжо пачалося.

Першапачаткова ўлады пастанавілі, што навасёл будзе плаціць арэнду за зямлю крыху больш за 1 тыс. рублёў у год. Аднак у 2026-м у Мінску ўвялі змены ў гэтым зборы — адпаведна, яны маглі змяніцца і для Мязенцава.

Суседам расіяніна стаў Станіслаў Зась, які з 2015 па 2020 год быў дзяржаўным сакратаром Савета бяспекі, а потым да 2023-га — генеральным сакратаром АДКБ. Побач таксама знаходзіцца катэдж, які старшыня Савета Рэспублікі Наталля Качанава у 2020-м перапісала на сваіх дачок.

Мязенцаў з 2019 па 2021 год быў паслом Расіі ў Беларусі. Цяпер ён — паўнамоцны прадстаўнік прэзідэнта Расійскай Федэрацыі ў Канстытуцыйным судзе РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]