Пуціна кінулі самыя «надзейныя»

Патрыёты апынуліся фэйкам.

Раней «патрыётам» быць было вельмі лёгка, для гэтага не патрабавалася цярпець асабістыя нязручнасці. Цяпер жа, дзякуючы дзеянням ЗСУ і санкцыям, выяўляецца, што «патрыятызм» мае цану — і чым далей, тым яна вышэй. Вось тут расіяне якраз і пачынаюць чухаць патыліцы.

Тут трэба быць шчырымі: нашы людзі — публіка ў асноўнай сваёй масе цынічная. Яны прывыклі выжываць, а выжываць — гэта значыць прыстасоўвацца да абставінаў. Тут не да ідэалаў.

Паўтару пытанне, якое задаваў ужо неаднаразова: куды падзеліся тыя абвешаныя георгіеўскімі стужкамі натоўпы «патрыётаў», якія раней штогод 9 мая слоняліся па вуліцах расійскіх гарадоў, палохаючы мінак крыкамі «можам паўтарыць»? Як толькі дайшло да справы, яны адразу разбегліся і нічога паўтараць не хочуць.

Пуцін любіць скардзіцца, што яго кінуў Захад, але, строга кажучы, яго кінула ягоная ўласная сацыяльная база. Калі ён глядзеў на гэтых пярэапранутых, ён думаў: «Можна ваяваць, вунь якая ў мяне армія патрыётаў». Пачаў вайну, а патрыёты апынуліся фэйкам. Што гэта, калі не кідалова? Думаю, час ад часу падобныя думкі ў Пуціна з’яўляюцца.

Увогуле гэта жахліва смешна: паверыць у ўласнаручна сканструяваны міф пра нібыта небывалы «патрыятызм» расіян. Не памятаю хто, але ён вельмі дакладна сказаў, што ад усіх іншых відаў прадукту, які вырабляе чалавецтва, прапаганда адрозніваецца тым, што рана ці позна яе пачынае спажываць сам вытворца.

Сапраўды.

Аббас Галлямаў, «Тэлеграм»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]